هيونداي النترا N موديل 2022 – سحر خاطف بأداء عاصف .

تاريخ النشر : 20 فبراير 2022

بواسطة : سبورت موتور

                                                 

حنستعرض معاكم السيارة السيدان الرياضية عالية الأداء هيونداي الانترا N Line موديل 2022 طبعا زي ما أنتم عارفين دشنت شركة هيونداي سيارات N Line في حفل كبير غطيناه لكن من دبي وكان من أهم الطرازات اللي كشفوا عنها النترا N Line زي السيارة اللي معانا واللي حنعطيكم تفاصيلها.

النظرة الأولى للسيارة بتعطيك احساس رياضي جميل جدا
وانا شايف انها بتجمع بين سيارة سيدان باربعة أبواب وبين روح سيارات الكوبيه ببابين.

 التصميم الخارجي
طبعا غطاء المحرك الطويل والتصميم المنخفض بيعطي السيارة روح رياضية.شبك التهوية الأمامي جديد وعليه شعار N، الأضواء الامامية فل LED، ووفروا فتحات تهوية اضافية، ونشوف اللون الأحمر في اسفل الواجهة واللي بيمتد لجوانب السيارة وفي الخلف كمان، وهذا اللون بيميز طرازات N.

من الجوانب الخطوط بتعطيها زي ما قلنا طابع سيارات الكوبيه، النوافذ الجانبية محاطة باطار باللون الاسود والجنوط مقاس 19 انش، وهذه الجنوط خاصة بهذا الطراز، وزي ما أنتم شايفين اللون الأحمر ممتد في اسفل السيارة.من الخلف جناح خلفي جديد باللون الأسود بيعطيها ثابت كبير في السرعات العالية وديفيوزر خلفي، وفتحات عادم دائرية على الجانبين، ووفروا كاميرا خلفية وحساسات أمامية وخلفية.

ابرز مزايا المقصورة
نشوف عجلة قيادة من الجلد وخلفها ذراع لتنقيل السرعة، ونشوف كمان على عجلة القيادة ازرار لتغيير اوضاع القيادة، وهذا الزر الاحمر في الاسفل بيعطيها دفعة كبيرة وانطلاقة قوية ولكن لثواني بسيطة، وهذا يساعدها في التجاوز والانطلاق بقوة عند الضرورة شاشة العدادات وشاشة نطام المعلومات مقاس 10.25 بوصة، ونظام صوتي طراز بوز بثماني سماعات، المقاعد رياضية بزوائد جانبية مطرزة بشكل جميل جدا وعليها شعار N، ووفروا شاحن لاسلكي، وفتحة سقف.

المحرك

طبعا اهم شي في السيارة إلنترا N Line الجديدة كليا هو المحرك واللي يجي سعة 2.0 ليتر توربو GDi بيولد قوة 280 حصانا، وعزم دوران 392 نيوتن متر، والسرعة القصوى 250 كم في الساعة.
وبيعمل مع ناقل حركة يدوي ب 6 سرعات أو ناقل حركة مزدوج الكلتشات بـ 8 سرعات، وبيتوفر نظام تعليق خلفي متعدد الوصلات لتحسين الأداء خصوصا في المنعطفات.

 

 

 

 

أخبار ذات صلة

2024 جميع الحقوق محفوظة لدى مجلة سبور موتور